▫️ Аиԥылараан Ахада иазгәеиҭеит Урыстәылатәи Афедерациа иҟанаҵо афинанстә цхыраара иабзоураны қәҿиарала зынагӡара мҩаԥысуа ахырхарҭақәа. 

▫️ Ҷыдала иазааҭгылан, амҩатә инфраструктура аҿиара, имаҷуи ибжьаратәуи анаплакра иамоу иадгылара, иара убас ақыҭанхамҩа аҿиара иазку ауснагӡатәқәа ртәы.

▫️ Гәынба Бадра иаҵшьны иҳәеит ҳазҭоу ашықәс азы Аԥсны аграртә ҟәша адгылара иазку апрограмма анагӡаразы ахархәагақәа рымҽхак ишазнарҳаз миллиардбжак аҟынӡа. 

▫️ Аиԥылараҟны аганқәа алацәажәеит аԥсуа қыҭанхамҩатә аалыҵ аҭира аиҿкаареи урыстәылатәи аџьармыкьа ашҟа анеира алыршара ацхыраареи ирызку азҵаарақәа.