▫️ Ацентр ҿыц ргылоуп аконцерн «Росатом» ацхыраарала. Иара ҳаамҭазтәи амаругақәеи аԥхьагылара змоу алабораториеи рыла еиқәыршәоуп, урҭ рыбзоурала ареспублика ауааԥсыреи асасцәеи акомплекстә гәаҭара иахысны ргәабзиара арҽеира рылшоит.

▫️ Гәынба Бадра ацентр алшарақәа рзы адырра ирҭеит. Атәыла Ахада изеиҭарҳәеит иҟоу апроцедурақәа ртәы, идырбан МРТ, КТ, амаммографиа, ахаԥыцхәышәтәырҭа кабинетқәа, иара убас акриотерапиа акабинет, СПА-капсула, аҽыкәабарҭа зал.

▫️ Ахада ацентр маругала аиқәыршәара ахәшьара ҳаракы аиҭеит, иазгәеиҭеит уи аартра ареспубликаҿы амедицинеи атуризми рыҿиараҿы алагала ду шыҟанаҵо.

▫️ Гәынба Бадра апроект асоциалтә ҵакы ҷыда шамоу инаҵшьны иазгәеиҭеит, иагьациҵеит ҳаамҭазтәи адиагностикеи ахәшәтәреи ара аԥсшьаҩцәа реиԥш, аҭыԥантәи ауааԥсырагьы ироууа ишыҟало.