Ахантәаҩыс дықәгылеит икоммерциатәым аиҿкаара «Аиҿцәажәара» адиректор хада Владимир Табак, аиԥылара мҩаԥылгон икоммерциатәым аиҿкаара «Аԥсны Аҳәынҭқарра Аҭагылазаашьатә центр» анапхгаҩы Милана Ҵәыџьԥҳа. Ирылацәажәан ауаажәларра аинформациала реиқәыршәара иадҳәалаз азҵаатәқәа, ацифратә коммуникациақәа рыҿиара, иара убас анапхгареи ауаажәларреи рыбжьара агәрагара арӷәӷәара.
Аиԥылараҟны ицәырган Аҭагылазаашьатә центр аусура алҵшәа. "Аинцидент-аменеџьмент" асистема алагалара иалнаршеит аусбарҭақәеи ауаажәларреи реимадара, иҟарҵаз адҵааларақәа аус рыдулара, ауаажәларра рызҵаатәхәқәа рықәҿыҭра аамҭа акырӡа аркьаҿра.
Аҳәынҭқарра Ахада урыстәылатәи аколлегацәа иҭабуп ҳәа реиҳәеит ацентр иҟанаҵаз аметодологиатә цхырааразы. Гәынба Бадра инаҵшьны иазгәеиҭеит аҳәынҭқарра имҩаԥнаго аусура ауаажәларра ишрызку, убри аҟынтә урҭ ирдыруазароуп иарбан шьаҿақәоу иҟаҵоу.
Атәыла адунеи аларҵәаразы аусура мҩаԥнагалароуп, аҭоурых, акультура, аихьӡарақәа, аекономикатә атуристтә лшарас иамоу атәы, ус анакәымха уи даҽа џьоукы иҟарҵоит. Аҳәынҭқарратә еилазаараақәа хықәкыс ирымоуп - ацифратә коммуникациақәа рырҿиара, иара убас амедиастратегиа аԥҵара.
Аполитикатә система аҭышәынтәалара алзыршо акәны иҟоуп – аартра, иаартны , мыцҳәарада аиҿцәажәара ыҟамкәа агәрагарагьы зыҟалом. Ахада иазгәеиҭеит: иҟоу ауадаҩра иаразнак аӡбара анзалыршамха, еиӷьуп уи иаартны ауаа ирауҳәар, изыхҟьаз амзыз, ҿҳәарас иамоу арбаны.
Аартра - ари Ахада имацара иакәӡам изду, уи амчра аусбарҭақәа зегьы ирҟазшьазароуп, дарбан напхгаҩызаалак, ҳәынҭқарратә усуҩзаалак.
Аԥсны Аҳәынҭқарра Аҭагылазаашьатә центр ахықәкы хада - аусбарҭақәа иаарласны ацхыраара рыҭара, ишәаны-изаны азҵаарақәа рыӡбара, ианаамҭоу ауадаҩрақәа раарԥшра, ашәарҭарақәа рзы агәҽанҵара. Аҳәынҭқарра Ахада иазгәеиҭеит аинформациатә еиуыжьра аусура иазыҟаҵазароуп, аҭакԥхықәра аныҟәгара иазхиазароуп.
Икоммерциатәым аиҿкаара "Адиалог" адиректор хада Влдимир Табак иазгәеиҭеит аҳәынҭқарратә напхгараҭара ахаҭабзиара ашьҭыхразы ацифратә стандартқәа ралагалара иамоу аҵакы, иҳәеит аԥхьаҟагьы аметодологиатә цхыраара дшазхиоу.