Аԥсны Аҳәынҭқарра ажәлар рыхьӡалеи хаҭала сара сыхьӡалеи гәык-ԥсыкала ишәыдысныҳәалоит аҳәынҭқарратә ныҳәа хада-Сандинисттәи ареволиуциа амш.

Ари аҭоурыхтә мшы наунагӡа Никарагуа анысымҩа ианылеит аиашареи, агәырӷьареи, имҟәуа агәаҳәареи иасимволны. Ԥхынгәымза 19 ахақәиҭреи азини рзы ақәԥараҿы ажәлар рхала рлахьынҵа аӡбареи, ихьыԥшым аҳәынҭқарра аргылареи ирымшуп.

Ари аныҳәа, даараӡа аџьабаа баны ахақәиҭреи ахьыԥшымреи рзы ззин зыхьчаз Аԥсны жәлар ирзааигәоуп, еилыркаауеит. Ҳара гәык-ԥсыкала ахә ҳаракны иаҳшьоит Аԥсни Никарагуеи ҳаизыҟазаашьақәа рыҩаӡара. Агәра ганы сыҟоуп ҩ-ганктәи ҳаимадарақәа аринахысгьы аҿиара шроуа, ҳтәылауаа ринтересқәа ишрықәшәо.

Ари акрызҵазкуа амш азы ҳаҭыр зқәу аицхадацәа, ишәзеиӷьасшьоит агәабзиара ӷәӷәеи иҭамбаӡо алшареи, Никарагуа ажәлар ракәзар — аҭынчреи, аҭышәынтәалареи, акзаареи, аизҳазыӷьареи».