Апроект анапхгаҩы Анна Гәниаԥҳаи, IT аменеџьер Дамеи Џьонуеи, «Аԥсны акоманда» ахантәаҩы инапынҵақәа назыгӡо Дырмит Габалиеи Аԥсны Ахада изеиҭарҳәеит шықәсыбжак аҩныҵҟа русура алҵшәа, идырбеит ҷыдала иаԥҵаз ацҵа «Аԥсуа корпус» аусушьа. Уахь рыҽҭаргалеит 390-ҩык рҟынӡа аиҭагаҩцәа. 

Еиҭаргеит миллионки бжаки аҳәоуқәа. Иԥсабаратәым ахшыҩ иаднакылеит аԥсшәа. Бадра Гәынба идырбеит аиҭага: уи ахаҭабзиара акыр иҳаракхеит, аҵакы бзианы еилыукаартә еиԥш. Ари аус хәарҭа духоит аҳәынҭқарратә усбарҭақәа, амассатә информациатә хархәагақәа, апресс-маҵзурақәа рзы уҳәа.

Аԥсны Ахада гәахәарыла идикылеит апроект алҵшәақәа. Аԥхьаҟагьы адгылара шаиҭо иҳәеит. 

«Шәусура аанымҿаскәа аҽарҭбаалароуп. Уи азы сшәывагылоит. Аԥсуа бызшәа иадҳәало аусқәа зегьы ахаҵгылара роуеит.Ихадоу хырхарҭоуп ари аус аҿы иҿыцу алшарақәа, атехнологиақәа рхархәара» - иҳәеит Бадра Гәынба.