▫️ Аиԥылара иалахәын Аԥсны Аԥсылманцәа иаку рдоуҳатә усбарҭа Ахантәаҩы, амуфҭи Ҭемыр Ӡыба.

▫️ Ахада инаҵшьны иҳәеит Аԥсны еснагь адинхаҵарақәа рыбжьара аибачҳара ахьыҟоу динрацәалатәи тәыланы ишыҟаз.

▫️ Аҳәынҭқарра Ахада иазгәеиҭеит арҭ атрадициақәа аҵак ду шрымоу еиуеиԥшым амилаҭқәеи адинхаҵарақәеи рхаҭарнакцәа рыбжьара аҭынчреи, аҭышәынтәалареи ралыршаразы.

▫️ Амуфҭи Муҳаммад-Ҳаџьы Еркенов асасдкыларазы иҭабуп ҳәа иеиҳәеит. Уи Ҟарачы-Черқьесиа Ахада Рашид Темрезов ихьӡала азеиӷьашьара ԥхақәа ҟаиҵеит.

▫️ Муҳаммад-Ҳаџьы Еркенов иҳәеит Аԥсны Аԥсылманцәа иаку рдоуҳатә усбарҭа ҩ-ганктәи аусеицура аҳәаақәа ирҭагӡаны ацхыраареи адгылареи рыҟаҵара дшазхиоу.
▫️ Иара убас инаҵшьны иазгәеиҭеит ҩ-республикак рдоуҳатә усбарҭақәа аԥхьаҟагьы реимадара ишацырҵо.

▫️ Ахада иазгәеиҭеит Кавказ ажәларқәа риашьаратә еимадарақәа, инаҵшьынгьы иҳәеит  Аԥсны Аџьынџьтәылатә еибашьраан Аҩада Кавказ ареспубликақәа зегьы рҟынтә аишьаратә жәларқәа ацхырааразы ишааз, Ҟарачы-Черқьесиагьы уахь иналаҵаны.

▫️ Атәыла ахада иҳәеит Аԥсны ишырхамышҭуа ареспублика ахақәиҭреи ахьыԥшымреи зхы ақәызҵаз афырхацәа рыхьӡқәа, ԥхьаҟатәи абиԥарақәагьы урҭ  рфырхаҵара еснагь ишыргәалашәало.

▫️  Гәынба Бадра инаҵшьны иҳәеит ҳажәларқәа русеицуразы алшарақәа шаԥҵалатәу, адинтә еимадарагьы уахь иналаҵаны.