▫️ Аилацәажәара иалахәын Аԥыза-министр Делба Владимир, шьаҭанкылатәи аргылара Аусбарҭа аиҳабы Гамсаниа Демир, амшцәгьа еиҳа ааха знаҭаз Тҟәарчал араион Ахада Каҷараа Герман.
▫️ Тҟәарчал араион ахада Аҳәынҭқарра ахада изеиҭеиҳәеит араион аҿы амшцәгьа ахҟьа-ԥҟьақәа раԥыхра шымҩаԥысуа. Иара иажәақәа рыла, еиҳа ааха зауз ақыҭақәа руааԥсыра ԥынгылада рыҩнқәа рҟынӡа инеир рылшоит, амҩақәа еиҭашьақәыргылоуп, аамҭалатәи ацҳатә конструкциақәа шьақәыргылоуп.
▫️ Каҷараа ҷыдала дахцәажәеит Тҟәарчал ақалақь ауааԥсыра аӡыржәтә ала реиқәыршәара апроблема.
▫ ️ "Ақәа ӷәӷәақәа рышьҭахь аӡы хәашьхоит, ахархәаразы ихәарҭам. Убри инадҳәаланы еиҿкаан агуманитартә цхыраара, уи иалахәын араион ауааԥсыра аӡәырҩы", - ҳәа азгәеиҭеит Каҷараа.
▫️ Иара инаҵшьны иазгәеиҭеит аӡыржәтә аҭагылазаашьа макьанагьы ишыуадаҩу, аԥхьаҟагьы аус адулара шаҭаху.
▫️ «Главное сегодня — обеспечить людям возможность добираться до своих домов и дворов. Хочу выразить особую благодарность всем, кто оказывает помощь нашему району в преодолении последствий стихии», — сказал глава района.
▫️ Начальник Управления капитального строительства Демир Гамисония доложил о результатах работы по восстановлению объектов инфраструктуры, пострадавших в результате стихии.
"Иахьа ихадароу ауаа рыҩнқәеи рашҭақәеи рҟынӡа анеиразы алшара рыҭара ауп. Ҷыдала иҭабуп ҳәа расҳәар сҭахуп амшцәгьа ахҟьа-ԥҟьақәа риааираҿы ҳраион ацхыраара азҭо зегьы», — иҳәеит араион ахада.
▫️ Шьаҭанкылатәи аргылара аусбарҭа аиҳабы Гамсаниа Демир далацәажәеит амшцәгьа иахҟьаны аԥхасҭа зауз аинфраструктура аобиектқәа реиҭашьақәыргыларазы аусура алҵшәақәа ртәы.
▫️ Уи иажәақәа рыла, аԥсабаратә рыцҳара ахҟьа-ԥҟьақәа раԥыхразы акомиссиа аусура аихшьалақәа инарықәыршәаны еиҭашьақәыргылоуп аԥхасҭа зауыз аҭыԥқәа 16, иара убас аиланхарҭақәа рахь анеирҭатә мҩақәа зегьы.
▫ ️ "Анардакылатә еиҿкаарақәа ртехника адыԥхьаланы имҩаԥгаз аусурақәа хыркәшоуп. Аусмҩаԥгатәқәа рыхәҭак хыркәшахоит аӡы аҩаӡара аҵыхәтәантәи алаҟәра ашьҭахь мчыбжьык аҩныҵҟа", - ҳәа адырра ҟаиҵеит Гамсаниа.
▫️ Иара иазгәеиҭеит хара имгакәа ишазԥхьагәаҭоу Аалӡга аӡиас аҿы аусурақәа рхацыркра, усҟан егьырҭ аӡиас маҷқәа рҿы иахәҭоу аусмҩаԥгатәқәа шхыркәшоу.
▫️ Шьаҭанкылатәи аргылара аусбарҭа аиҳабы еиҳа аԥхасҭа зауыз аобиектқәа рыҩныҵҟа ареспубликатә мҩаҿы Аалӡга аӡиас иху ацҳа аликааит.
▫️ «Уи аиҭашьақәыргыларазы мҽхакы ҭбаала аусурақәа рымҩаԥгара аҭаххоит. Иахьатәи аамҭазы аспециалистцәа аконсультациақәа мҩаԥыргоит, аҭагылазаашьа ҭырҵаауеит. Аҭҵаарақәа рышьҭахь аусмҩаԥгатәқәа рзы ауснагӡа азырхиахоит, хазы ажәахәқәагьы ҟаҵахоит», — иазгәеиҭеит иара.
▫️ Гамсаниа иажәақәа рыла, ареспубликатә мҩа ахәҭа аҿыӡәӡәааразы ашәарҭара иҭагылоуп, хырԥашьа амамкәа аҭагылазаашьа арҽеира нап арктәуп. Ацҳақәа руак хырбгалоуп, аиҭашьақәыргыларагьы алшаӡом. Убри инамаданы ацҳа ҿыц аргылара апроект азырхиаразы аӡбамҭа рыдыркылеит.
▫️ Ҵарча ақыҭан иазгәаҭоуп ацҳа ашьаҟақәа ҩба рылаҟәра, Аҟармара аҳаблан уи еилаҳаит. Иахьатәи аамҭазы изыхәҭоу амаҵзурақәа иарбоу аобиектқәа реиҭашьақәыргылара авариантқәа ирыхәаԥшуеит.
▫️ Аԥыза-министр Владимир Делба иазгәеиҭеит амшцәгьақәа рышьҭахь ишьақәгылаз аҭагылазаашьа ҷыда ахҟьа-ԥҟьақәа раԥыхразы аусмҩаԥгатәқәа иааиԥмырҟьаӡакәа ишымҩаԥысуа.
▫ ️ "Аусурақәа мышкгьы иаанкыламызт. Аԥхасҭа ахьыҟалаз аҭыԥ ахь инашьҭын иҟоу атехника ҷыда аӷьырак», — иҳәеит аԥыза-министр.
▫️ Иара иҳәеит ацҳақәеи, анеирҭатә мҩақәеи, егьырҭ аинфраструктура аобиектқәеи реиҭашьақәыргыларазы аусурақәа шымҩаԥысуа.
▫ ️ "Аҭагылазаашьа ҷыдақәеи аԥсабаратә рыцҳарақәа рыхҟьа-ԥҟьақәа раԥыхреи рзы акомиссиа иаиуз аԥхасҭазы иеизаку аинформациа иазыԥшуп. Иахәҭоу адыррақәеи анализ рзуреи рышьҭахь аӡбамҭақәа рыдкылахоит, аԥхасҭа зауыз аобиектқәеи аҵакырақәеи реиҭашьақәыргыларазы аусмҩаԥгатәқәа финансла реиқәыршәарагьы уахь иналаҵаны», — ҳәа инаҵшьны иазгәеиҭеит Делба.
▫️ Аилацәажәара аихшьаалақәа ҟаҵо, Аҳәынҭқарра Ахада Гәынба Бадра иазгәеиҭеит араион ахадара, акапиталтә ргылара Аусбарҭа, изыхәҭоу амаҵзурақәа, амшцәгьа ахҟьа-ԥҟьақәа раԥыхраҿы ацхыраара ҟазҵо ахатәы еилахәырақәа уҳәа, рҳәоу еиқәшәаны русура.