Ирылацәажәеит ҩ-ганктәи русеицурақәа рымҽхак арҭбаара азҵаатәқәа.

Гәынба Бадреи Алексеи Русскихи иазгәарҭеит ахәаахәҭра-економикатә еизыҟазаашьақәа  қәҿиарала ишымҩаԥысуа атәы. 2025 ш. рзы иҟаҵаз аихшьала ала Аԥсни Улиановсктәи аобласти рыбжьара адәныҟахәаахәҭратә еикәшара еизҳаит 12% рыла иҳаҩсыз ашықәс иаҿырԥшны ҳахәаԥшуазар.

Иазԥхьагәаҭоуп азеиԥш ҿартә, аҵараиуратә, аспорттә, акультуратә проектқәа рынагӡара.  Ҷыдала, иалацәажәеит Аԥсни Улиановсктәи аобласти рҵараиурҭақәа рыбжьара аусеицура арҿиара, иара убас Улиановск иҟоу Жәларбжьаратәи аҿартә усеицуразы апроекттә офис «Урыстәыла -Брикс» инанагӡо жәларбжьаратәи апрограммақәеи афорумқәеи рыҟны аԥсуа ҿар ралархәра.

Ԥеиԥш змоу хырхарҭак аҳасабала иазгәаҭоуп аусеицзуразы атуризм, атуроператорцәа апрограммақәа дырдырразы апрограммақәа реиҿкаара, иара убас акультура аусҳәарҭақәа реимадара, азеиԥштә цәыргақәҵақәа реиҿкаара, аконференциақәа, агострольқәа, аспорттә усмҩаԥгатәқәа рынагӡара.

Иазԥхьагәаҭоуп Аԥсны Аҳәынҭқарреи Улиановсктәи аобласти реиҳабырақәа рыбжьара аусеицуразы аиқәшаҳаҭрақәа рыҵаҩра, аекономика, аҭҵаарадырра-техникатә, акультура-гуманитартә усхкқәа рҿы. Улиановсктәи аобласт агубернатор  Алексеи Русских

ааглыхратә лшареи аинвестициатә инфраструктуреи дырдырразы Аԥснытәи анаплакыҩцәа арегион аҭааразы ааԥхьара риҭеит.