▫️ Асасцәа аԥсшәа раҳәо, аҳәынҭқарра Ахада инаҵшьны иазгәеиҭеит Аԥсны Аҳәынҭқарреи Урыстәылатәи Афедерациеи ирыбжьоу астратеиатәи аҩызаратәи еизыҟазаашьа, Урыстәыла арегионқәа аус рыцура аҵак ду азгәаҭаны.
▫️ «Санкт- Петербурги ҳареи ҳусеицура абри аганахьала аҭыԥ ҷыда ааннакылоит. Ҳарҭ итрадициатәу аиҩызаратә еизыҟазаашьақәа ҳаидыркылоит, есышықәса урҭ еиҳа-еиҳа рымҽхак аҽарҭбаауеит», - иҳәеит Бадра Гәынба.
▫️ Ахада гәыблыла игәалаиршәеит Петербургтәи жәларбжьаратәи аекономикатә форум аҟны имҩаԥысыз аиԥылара, усҟан иаадырԥшыз асасдкыларазы Алеқсандр Беглов иҭабуп ҳәа иеиҳәеит. Хазы аҳәынҭқарра Ахада иҭабуп ҳәа ахиҳәааит аԥсуа аушьҭымҭацәа аныҳәа "Аԥра шкәакәақәа" ахь ирырҭаз ааԥхьаразы, иҳәеит ас еиԥш иҟоу аԥшьгарақәа аҿар реиҩызара шарӷәӷәо.
▫️ Аҳәынҭқарра Ахада агәбернатор иҭабуп ҳәа иеиҳәеит ҵыԥх аахыс Аҟәеи Санкт-Петербурги ирыбжьалаз ишиашоу аҳаиртә еимадара, уи ала 10 нызқьҩык рҟынӡа апассаџьырцәа рымаҵ аура алыршоуп.
▫️ Агубернатор Аԥсны иҟазаараан иибаз азы игәаанагара иҳәеит, иагьазгәеиҭеит Аԥсны ақалақьқәа рҭоурыхтә хаҿреи урҭ даҽакы иаламҩашьо рҷыдарақәеи еиҷаҳарала еиқәырханы ишаарго. Уи ахә ҳаракны ишьеит Аԥсны Ахада ицнагаҩцәа русура, инаҵшьны иҳәеит ареспублика аҿаԥхьа иқәгылоу ауснагӡатәқәа шыуадаҩугьы, атәыла анапхгара ирыдыркылаз анапхгараҭаратә ӡбамҭақәеи еиқәшәаны аусуреи ишалдыршаз аамҭа кьаҿк иалагӡаны шьаҿа ӷәӷәала аҿиара ахырхырҭа азгәаҭара.
▫️ Александр Беглов иазгәеиҭеит апартниорра ҳазҭагылоу аамҭазы иазԥхьагәаҭоу ауснагӡатәқәа рынагӡара адагьы аԥышәа аимдареи аусеицуратә зҵаарақәа оперативла рыӡбареи рыла ишышьақәгылоу, аԥсуа ган иаартны активла аусеицура амҩаԥгаразы иҭабуп ҳәа раҳәаны.
▫️ Александр Беглов ҷыдала иаликааит аҩ-жәларык ҭоурыхла ирыбжьоу аимадара. Агубернатор Бадра Гәынба иажәақәа игәалаиршәеит Ленингради Санкт-Петербурги рҭоурых аблокада ашықәсқәа раан хацәынмырха ақалақь зыхьчоз афырхацәа ргәалашәара ҳаҭыр ақәызҵо петербургааи Аԥсны ауааԥсыреи ишырзеиԥшу.
▫️ «Гәык-ԥсыкала иҭабуп ҳәа шәасҳәоит Санкт — Петербурги ҳуааԥсыреи зегьы абас гәыблыла шәахьырзыҟоу азы -ҳара ҳзы уи аҵак ду амоуп. Гәахәара дула ишәысҭоит петербургаа зегьы ишәзаарыцҳауа азеиӷьашьара бзиақәа. Ҳара даараӡа иҭабуп ҳәа шәаҳҳәоит ҳзеиԥш ҭоурыхтә ҭынха аиҷаҳара азҵаарақәа рҿы иаашәырԥшуа азыҟазаашьазы», — иҳәеит агубернатор.
▫️ Агубернатор иазгәеиҭеит иааиԥмырҟьаӡакәа аиԥыларақәа ишалдыршо оперативла азҵаарақәа жәпакы рыӡбара - еицырзеиԥшу апроектқәа рынагӡара инаркны аганқәаПетербургтәи жәларбжьаратәи аекономикатә форум аҿы излацәажәаз актуалра злоу амшахәаԥштә азҵаарақәа рҟынӡа.
▫️ Александр Беглов иҳәеит Петербург аԥхьаҟагьы еицырзеиԥшу аԥшьгарақәа рынагӡараҿы иахәҭоу адгылара аҭареи ақалақь еснагь Аԥсни иареи реиҩызаратә еимадарақәа рырҿиареи ишазхиоу .
▫️ Анаҩс Аҳәынҭқарра Ахада Гәынба Бадра иҿаԥхьа Аԥсны Аҳәынҭқарра Аиҳабыреи Санкт-Петербург Аиҳабыреи рыбжьара ахәаахәҭра-економикатә, аҭҵаарадырра-техникатә, асоциал-гуманитартә усхкқәа рҿы аусеицуразы Аиқәшаҳаҭра рнапы аҵарҩит.
Адокумент рнапы аҵарҩит Аԥсны аԥыза-министр Делба Владимири Санкт-Петербург агубернатор Александр Беглови.
▫️ Аҳәынҭқарра Ахада агубернатор иҭабуп ҳәа иеиҳәеит ҵыԥх аахыс Аҟәеи Санкт-Петербурги ирыбжьалаз ишиашоу аҳаиртә еимадара, уи ала 10 нызқьҩык рҟынӡа апассаџьырцәа рымаҵ аура алыршоуп. Уи иадҵаало ауаа рхыԥхьаӡара даара ишырацәоу.
▫️ Гәынба Бадра згәабзиара ԥку ахәыҷқәа Санкт-Петербургынтәи Аԥсныҟа ԥсшьара аапхьара риҭеит.
Аҳәынҭқарра Ахада иҳәеит ари авизит ҳаимадара аҿиара ишацхраауа, иазгәеиҭеит аганкқәа аекономика, агәабзиарахьчара, аҵараиу, атранспорт, атуризм уҳәа еиуеиԥшым ахырхарҭақәа рыла азеиԥш проектқәа рынагӡара ишазхиоу. Ахада иаҵшьны иҳәеит иахьа рнапы зҵарыҩуа аиқәшаҳаҭра русеицура амҽхак арҭбаара ишацхраауа.
▫️ Алеқсандр Беглов Ахада иҭабуп ҳәа иеиҳәеит аԥхарра зҵаз аиԥыларазы, зыҩаӡара ҳаракыз ҩ-ганктәи аиҿцәажәаразы. Иазгәеиҭеит Урыстәылеи Аԥсни ирыбжьоу аизыҟазаашьақәа хаҭабзиарала иҿыцу аҩаӡарахь ишхалаз, уи наҟ-ааҟ ирзыфеидоу аусеицура ишазҳәоу.